20/8

被困的一天...

今日係被困家中的一天！點解！？

最大原因都唔係最重要...... 最重要係被困時的心情係一落千丈... 0係屋企起身出門口返工至發覺出唔到去... 打俾老闆備0左案先~ 幾多個鐘頭後至返到去係無人知... 老闆打晒鑼叫晒救命都無用... 我係真係出唔到去就係出唔到去... on on車車咁到左點零鐘.. 老闆總共打左五六次俾我.. 但我真係出唔到.. 好在0係未餓死的情況下搵到個麵線可以煮0黎食~ 食完之後冇心情打機結果整理左幾本雜誌就眼訓想訓覺(查實重有一大堆雜誌要我處理同埋scan入電腦..).. 但實在冇乜心機兼真係攰想訓~ 所以就又打破左我好幾年放假的慣例(就係訓晏覺~)(因為之前永遠覺得放假0係屋企訓晏覺係好浪費時間的事)！最後點呢................................

六點半度我終於重獲自由喇！訴完苦0拿0拿林落街買野飲(飲水係唔會對我的心情有幫助的...)~ 左揀右揀又唔想飲烏龍茶同綠茶的情況下揀左xx工房新出的雪耳川貝海底椰~ 好似好有益咁但係味道一般！(重唔返工！？)咪咁傻咁天真啦~ 返到去都差唔多八點啦~ 幫到幾多手呢(九點收工)？

18/8

(另一個blog)開張喇~~~

開張日子應該開心但我又唔係好開心.. 成個人悶悶不樂咁但係對住部電腦又搵到/睇到唔少0野！如果時光倒流返尋晚約人今日去美食展的話感覺又會係點呢？

突然間發覺最有影響力可以影響到我的三個女藝人分別係：最近期熱愛的佻皮+誠實+滿載腳骨力的旅遊節目主持杜如風、愛上充滿音樂熱誠同有一把靚聲的謝安琪 and 長久以0黎創意無限同埋講0野好到point的才女卓韻芝！！！

3/2

咪去接我個死黨個細佬機囉！班機早上約07:23到港~~

知道要咁早之時唔敢話俾任何人知話我會去接機......

皆因唔知自己能唔能夠準時起到身.. 唔想令任何人失望......

So give full surprise to everyone...  <--(有錯請更正~)

我係做到的！重可以搭到頭班車坐窗口位添~~

去到至係06:45~ 重可以周圍行0下~~

等到約07:35終於見到佢喇！

重0係佢出唻前一兩分鐘見到佢媽咪同佢個fd一齊0黎接機添~~

(佢出唻前一陣我重見到狄龍出唻添呀~~)

21/1

話說我媽咪做義工做到欏獎~ 實在開心！重要0係會展欏獎~ 你話架勢唔架勢？

雖然個獎唔係屬於個人而係屬於成組人的~ 但仍然很高興！

因為呢個係我媽咪同成組人一齊做出唻而經評審委員評審出唻的成果！

當然~ 我媽咪最最最開心的係我能夠一齊出席兼客串做攝影~ 用實際行動0係其他人面前去支持我媽咪！！！ (同組所有其他人都冇親友到場支持咖~)

嘻~